პრიორიტეტია ეს ჯგუფი და ამიტომ საკუთარ ვაქცინას ვუთმობ ექიმებს. განაცხადა ჯანდაცვის მინისტრმა, ეკატერინე ტიკარაძემ "რუსთავი 2"-ის ეთერში.
ტიკარაძის განცხადებით, თუ საზოგადობაში კითხვებს ბადებს ის ფაქტი, რომ ამ დრომდე არ აცრილა, მზად არის უახლოეს პერიოდში გაიკეთოს აცრა.
"ეს პროცესი რომ იქნებოდა რთული, გათვითცნობიერებული გვქონდა. დარწმუნებული ვარ, რომ ეტაპობრივად ვაქცინის მიმართ სანდოობა უფრო გაიზრდება და ჩვენი ექიმებიც, რომლებიც იმყოფებიან წინა ხაზზე, პრიორიტეტია ეს ჯგუფი და ამიტომ საკუთარ ვაქცინას ვუთმობთ ექიმებს. ვცრით პირველად მათ. დარწმუნებული ვარ, საქართველო იქნება ერთ-ერთი გამორჩეული ქვეყანა, სადაც სწორად და შეუფერხებლად წარიმართება ეს პროცესი,"- განაცხადა ეკატერინე ტიკარაძემ.
ჯანდაცვის მინისტრის განცხადებით, ვაქცინაციის პლატფორმაზე პირველი დღისთვის 3000 მედიკოსი დარეგისტრირდა და ამ დროისთვის 500 ექიმი უკვე აცრილია.
