„დღევანდელი შეხვედრა მნიშვნელოვანი იყო, გამოვასწორეთ ირაკლი კობახიძის გუშინდელი, საკმაოდ უხეში შეცდომა", - აცხადებს "ლელო საქართველოსთვის“ ლიდერი მამუკა ხაზარაძე კრისტიან დანიელსონთან შეხვედრის შემდეგ.
მისი განმარტებით, ცალმხრივად, მაგიდის აყირავება, მოლაპარაკების გაჩერება არ შეიძლება.
"დღეს ჩვენ აქ ვართ, რომ ირაკლი კობახიძის გაფუჭებული საქმე გამოსწორდეს. იმიტომ, რომ გუშინ რა განცხადებაც გაკეთდა, არანორმალური იყო. ასე ცალმხრივად მაგიდის აყირავება, მოლაპარაკების გაჩერება არ შეიძლება, მითუმეტეს, როდესაც ასეთი დონის მედიატორები არიან ჩარეული. რა თქმა უნდა, მედიატორობა იმას ნიშნავს, რომ ძირითადი ხაზი მათ მიერაა დასმული, ორივე მხარეს უსმენენ და მათ დაახლოებას ცდილობენ. ვფიქრობ, მოთმინებით უნდა აღვიჭურვოთ, რომ პროცესი ბოლომდე მივიყვანოთ. ოპოზიცია მოლაპარაკებაში კონსტრუქციულია“, - განაცხადა მამუკა ხაზარაძემ.
