"ქართული ოცნების" დეპუტატი ალუდა ღუდუშაური აცხადებს, რომ პრემიერ-მინისტრი ირაკლი ღარიბაშვილი ბრიუსელში პარტნიორების წინაშე წელში გამართლი წარსდგება.
მისივე თქმით, ხელისუფლებამ უკვე მიაღწია ხელშესახებ პროგრესს სხვადასხვა მიმართულებით.
"საქართველოს ხელისუფლებას უამრავი ხელშესახები პროგრესი აქვს დემოკრატიულობის, კანონიერების, სამართლიანობისა და ქვეყნის უკეთესი მართვის თვალსაზრისით. აქედან გამომდინარე "ქართულ ოცნებას" მართლაც აქვს სავსე ხელები და დამაჯერებელია ჩვენი პროგრესი. ჩვენ ნამდვილად წელში გამართულები წარვდგებით ევროპაში პარტნიორების წინაშე", - განაცხადა ალუდა ღუდუშაურმა.
