ღრმად ვართ შეშფოთებული საქართველოში განვითარებული პოლიტიკური მოვლენებით - ნათქვამია ამერიკის შეერთებული შტატების სახელმწიფო დეპარტამენტის ოფიციალური წარმომადგენლის, ნედ პრაისის განცხადებაში, რომელიც საქართველოს პოლიტიკური პროცესებს ეხმიანება.
"ჩვენ ღრმად ვართ შეშფოთებული საქართველოში განვითარებული პოლიტიკური მოვლენებით. კვლავ მოვუწოდებთ ყველა მხარეს თავშეკავებისკენ, რათა თავიდან აიცილონ ნებისმიერი ქმედება, რამაც შეიძლება გაამწვავოს ან გამოიწვიოს დაძაბულობა.
მოვუწოდებთ საქართველოს ხელისუფლებას, იმოქმედოს ევროატლანტიკური მისწრაფებების შესაბამისად, გააძლიეროს თავისი ვალდებულებები დემოკრატიის პრინციპების, პირადი თავისუფლებისა და კანონის უზენაესობისადმი, უზრუნველყოს, რომ სასამართლოსა და პროკურატურის სისტემები იყოს თავისუფალი პოლიტიკური მიკერძოებისგან.
ამერიკა მხარს უჭერს დემოკრატიულ, უსაფრთხო და წარმატებულ საქართველოს. ვაგრძელებთ საქართველოსთან მუშაობას, რათა მხარი დავუჭიროთ კანონის უზენაესობასა და ინსტიტუტების ანგარიშვალდებულებას", - განაცხადა ნედ პრაისმა.