ძალიან კარგად ვიცით, რომ ეს საქმე თავიდან ბოლომდე პოლიტიკურია. სასამართლო მიიღებს იმ გადაწყვეტილებას, რასაც მას შესთავაზებს ის ადამიანი, რომელიც იღებს გადაწყვეტილებას ამ ქვეყანაში, - ამის შესახებ „თავისუფალი დემოკრატების“ წევრმა, ნინო გოგუაძემ ნიკა მელიას საქმესთან დაკავშირებით განაცხადა.
მისი თქმით, უკანონო სამართალთან შეგუებას არ აპირებენ.
„არ ვიცით, რა მოხდება. შეიძლება, ყველაფერი მოხდეს, მათ შორის, ნიკა მელიას დაპატიმრებაც. ჩვენ არ ვაპირებთ, ამ უკანონო სამართალს შევეგუოთ, ამ არაფორმალურ მმართველობას, ავტორიტარულ სახელმწიფოს შევეგუოთ. დიახ, ვიქნებით აქ. ფიზიკურად გადაგვიარონ და „ქართული ოცნების“ ის 88 დეპუტატი, რომელმაც გუშინ მწვანე შუქი აუნთო და საერთოდ, საქართველოს პარლამენტმა ორჯერ დაიჭირა ნიკა მელია, უპასუხისმგებლობას უნდა გრძნობდნენ იმაზე, რაც აქ მოხდება. მათ შორის, საკუთარი მოქალაქეების მიმართ. აი, აქ ვიდგები და ფიზიკურად გადამიაროს პოლიციამ“, – განაცხადა ნინო გოგუაძემ.
