ელენე ხოშტარია ინგირში იმყოფებოდა. როგორც პოლიტიკოსი სოციალურ ქსელში წერს, შეხვდა ადგილობრივ მოსახლეობას.
"უმაგრესი შეხვედრა მქონდა სამეგრელოში, ინგირში კივის პლანტაციაზე. კივის პლანტაციის ისტორია ადრეც დავდე, იაპონიაში რომ გადის ექსპორტზე ქართული კივი. ამის უკან დგას იდეა, შრომა, ტექნოლოგიის დახვეწის წყურვილი, დასაქმებული ხალხი. ეგრე იქმნება დოვლათი.
დღეს შევხვდი ამ მომუშავე ხალხს და ასევე სოფლის მოსახლეობას. თემა იგივე ყველგან - უიმედობა, უნდობლობა, თორე ყველას ცვლილება უნდა. უსამართლობა - ყველა დონეზე ამის პრობლემაა, თბილისში რასაც აქტივისტები თავის თავზე განიცდიან, კანონის არარსებობა, ორმაგი სტანდარტი, ზუსტად იგივეა ადგილებზეც, გათავხედებული ჩინოვნიკები, უსამართლობა და დაჩაგრულად გრძნობს მერე ხალხი თავს.
ეს ხალხი არ იმსახურებს ასეთ ქვეყანას. არაა უიმედობა და სიღარიბე მათი ბედისწერა. აუცილებლად შევქმნით ქვეყანას, სადაც იმედი, სამართლიანობა და პერსპექტივა იქნება", წერს ხოშტარია.
