ევროპული საქართველოს წევრი, ლაშა დამენია, ნიკა მელიას პროკურატურაში დაბარებას ეხმაურება.
დამენიას თქმით, ქართული ოცნება აცოცხლებს ძველ ხაზს თაროზე ჩამოდებული საქმეების გაცოცხლებით, რითაც ცდილობს, რომ ჩაახშოს საზოგადოებრივი პროტესტი.
დამენიამ აღნიშნა, რომ პოლიტიკური ლიდერების დაპატიმრებით, საზოგადოებრივი პროტესი არათუ შემცირდება, არამედ გაორმაგდება.
„ქართული ოცნება განაგრძობს პოლიტიკურ დევნას და რატომღაც ფიქრობს, რომ ამით შეძლებს პროტესტის ჩახშობას. მინდა დაგარწმუნოთ, რომ ეს პროტესტი კიდევ უფრო გაორმაგდება თუკი პოლიტპატიმრების რაოდენობა გაიზრდება.
ნიკა მელიასა და სხვა პოლიტიკოსების დაბარება არის იმ ძველი ხაზის კვლავ განახლება, თაროზე ჩამოდებული საქმეების გაცოცხლება იმასთან ერთად, თუ რა პრობლემების წინაშე დგანან. ქართული ოცნება უკვე წლებია ამ პოლიტიკას ატარეს, თავის პოლიტიკურ ოპონენტებთან დაჭერის მუქარებით ცდილობს პრობლემების მოგვარებას, იმის მაგივრად, რომ თვალი გაუსწოროს ქვეყანაში არსებულ პოლიტიკურ კრიზისს და მიიღოს ის გადაწყვეტილება, რომელიც ერთადერთია, ვადამდელი საპარლამენტო არჩევნები არის ერთადერთი გამოსავალი ქვეყანაში არსებული ღრმა კრიზისიდან.“ - განაცხადა დამენიამ.
