ფრაქცია "ქართული ოცნების" თავმჯდომარის, მამუკა მდინარაძის განცხადებით, მიხეილ სააკაშვილის ადგილი ქართულ პოლიტიკაში აღარ არის.
აღნიშნული განცხადება მამუკა მდინარაძემ მიხეილ სააკაშვილის კომენტარის საპასუხოდ გააკეთა, სადაც ყოფილი პრეზიდენტმა თქვა, რომ ოპოზიციიდან არავინ შესულა საქართველოს პარლამენტში ოთხი გვამის გარდა, რომლებიც თავდაპირველად გაიყიდნენ და ეს საარჩევნო კამპანიის დაწყებამდეც ცნობილი ფაქტი იყო.
"ეს არის წარმოუდგენელი თავხედობა და ბულინგზე მეტი. ვიდრე მას შეეძლო, ადამიანებს ფიზიკურად კლავდა და ახლა მოინდომა, რომ პოლიტიკურად მოკლას. ფიზიკურად მკვლელობის საშუალება აღარ აქვს. ამ გვამების ხსენებას თავი დაანებონ, რეალობაზე იფიქრონ. მიხეილ სააკაშვილის ადგილი ქართულ პოლიტიკაში აღარ არის. ამ სიტყვის გამოყენება არ მინდოდა, თქვენ რომ მისი ნათქვამი არ გეხენებინათ ჩემთვი, მაგრამ ის დიდი ხანია, პოლიტიკური გვამი გახდა. ამ სიტყვას აღარ გამოვიყენებ, რადგან წარმოუდგენელი ტერმინოლოგია არის, მხოლოდ მას შეუძლია, თქვას. მის საპასუხოდ ვამბობ მხოლოდ. ფიზიკური მკვლელობებიდან პოლიტიკური მკვლელობის მცდელობაზე გადავიდა", - განაცხადა მამუკა მდინარაძემ.
