იარაღი არ უნდა იყოს ბრძოლის ის მეთოდი, რითაც პოლიტიკოსები ერთმანეთს დაუპირისპირდებიან, - აცხადებს პარლამენტის პირველი ვიცე-სპიკერი გიორგი ვოლსკი. მისი თქმით, „ნაციონალური მოძრაობა“ ძალადობის კულტივაციის გეგმას მიყვება.
„გადაჭარბების გარეშე ვამბობ, რომ არ უნდა გამოვრიცხოთ არც ბულინგი და არც ფიზიკური ანგარიშსწორება, მით უმეტეს, არ ემოციით იქნება ეს გაკეთებული, არამედ იმ მიმართულებით, რასაც „ნაცმოძრაობა“ ავითარებს - ძალადობის კულტივაცია და შესაბამისად, მოწინააღმდეგე მხრიდანაც ძალადობის პროვოცირება. ამ მიზანს, გეგმას მიყვება „ნაცმოძრაობა“ და იქ შეიძლება იაგო ხვიჩიაც ჩაერთოს მათთვის სასურველ სამიზნეებში. შეიძლება სხვაც იყოს. ასე რომ, გამორიცხული არაფერია. სახელმწიფო დგას იმ დონეზე, რომ ეს ყველაფერი აღკვეთოს. გარდა ამისა, არა მარტო საერთაშორისო თანამეგობრობა, არამედ ქართული საზოგადოებაც არ მიიღებს ბრძოლის ამ მეთოდებს, რომელმაც ჭირი მოსჭამა და ვფიქრობ, საქართველოს ძალიან ცუდი მხრიდან ახასიათებს",- განაცხადა გიორგი ვოლსკიმ.