საქართველოს 18 წლამდე ასაკის მოსახლეობის 60%-მდე მზად არის, რომ COVID-19-ის ვაქცინა გაიკეთოს. ასეთ წინასწარ მონაცემებს დაავადებათა კონტროლის ეროვნული ცენტრში ფლობენ. როგორც ცენტრის ხელმძღვანელი ამირან გამყრელიძე აცხადებს, ვაქცინაციის გარეშე ქვეყანა COVID-19-ის დამარცხებას ვერ შეძლებს.
„ჩვენი ვაქცინაციის გეგმა მოსახლეობის 60%-ზეა გათვლილი. როდესაც ვამბობ მოსახლეობას, მხედველობაში მაქვს 18 წელს ზემოთ მოსახლეობა. ჯერჯერობით 18 წლამდე არ არის კლინიკური კველევები ვაქცინაციისა. საზოგადოებრივი იმუნიტეტი რომ შეიქმნას, 60% უნდა გაჯერდეს და იყოს იმუნური ფენა ქვეყანაში, რათა ჩვენ ნორმალური ცხოვრების რიტმს დავუბრუნდეთ.
ძალიან მინდა, მოსახლეობის 60 პროცენტი წელს ავცრათ. რთულია, მაგრამ შესაძლებელი ნამდვილად არის. ამიტომ, ყველამ ერთად უნდა მოვინდომოთ, ძალიან დიდი სოლიდარობა უნდა იყოს საზოგადოებაში, როგორმე უნდა დავთრგუნოთ ანტივაქსერული მოძრაობა, რადგან, ხაზს ვუსვამ, ვაქცინაზე უკეთესი საზოგადოებრივი ჯანდაცვითი ინტერვენცია ჯერ კაცობრიობას არ მოუგონია. ვაქცინაციამ გადაარჩინა მილიონობით ადამიანის სიცოცხლე. ვაქცინაციის გარეშე ჩვენ „კოვიდს“ ვერ დავამარცხებთ. ამიტომ, ყველანი უნდა გავერთიანდეთ და კარგად გავითავოსოთ“, – განაცხადა ამირან გამყრელიძემ.