ნოვოსიბირსკის თეატრის სამხატვრო ხელმძღვანელი ვლადიმირ კეხმანი რუსულ გამოცემასთან ინტერვიუში ამბობს, რომ ნინო ანანიაშვილთან კონტრაქტის გაწყვეტის მიზეზი შეთანხმების დარღვევა და ანანიაშვილის მხრიდან საბალეტო დასის ხელმძღვანელად დანიშვნის გადაწყვეტილების გასაჯაროვება იყო.
"ნინომ დაარღვია ეს შეთანხმება, როდესაც ინტერვიუ მისცა. ახალი წლის წინ დასი გავაფრთხილე, რომ მათ ახალი ხელმძღვანელი ეყოლებოდათ, მათ ეს იცოდნენ. მაგრამ ხელმძღვანელის ვინაობა არ მითქვამს. სამწუხარო ამბავია", - ამბობს კეხმანი.
მისი თქმით, ანანიაშვილს არ იცნობდა და ის ერთი წლის წინ გაიცნო.
"ანანიაშვილი მახარ რაზიევმა ერთი წლის წინ გამაცნო. თებერვალში თბილისში საგანგებოდ ჩავფრინდით, რათა ის გამეცნო. გავითვალისწინე რა რისკები, მე მას შევუთანხმდი, იმაზე, რომ ჩემთვის პრინციპული მომენტი იყო, რომ ის - რუსი ბალერინაა.
ის დიდხანს ფიქრობდა, შემდეგ ფაქტობრივად შევთანხმდით და ხელი მოვაწერეთ საბუთებს. ის ჩამოვიდა ნოვოსიბირსკში დეკემბრის ბოლოს, დაათვალიერა თეატრი და აღფთოვანებული დარჩა. შემდეგ ჩამოვიდა ჩემთან პეტერბურგში და ჩვენ დეტალურად ყველა ნაბიჯი განვიხილეთ. ჩვენ მასთან ისეთი დოკუმენტი არ გაგვიფორმებია, რომლებსაც ჩვეულებრივ, ყველასთან ვაფორმებთ ხოლმე - შემოქმედებით ადამიანებთან, რომლებშიც ჩაწერილია, რომ ყოველნაირი პიარი და აქტიურობა თეატრის სამხატვრო ხელმძღვანელთან, ან გენერალურ დირექტორთან უნდა შეთანხმდეს.
მაგრამ მოხდა, ის, რაც მოხდა. ანუ მისი ინტერვიუ, რომელიც მან შობის წინ მისცა (ასეთი საჩუქარი მივიღეთ საშობაოდ ნინოსგან)... ეს უპატივცემულობაა. უპირველეს ყოვლისა, კოლექტივისადმი. მეორე მომენტი: ამ ინტერვიუში მისი მოტივაციები, თუ რატომ მიდის ნოვოსიბირსკში სრულად სხვაა, არა ის, რასაც განვიხილავდით, ჩვენ სულ სხვა საკითხზე ვსაურობდით. არსებობს ასეთი გამოთქმა "ფეხზე დგომით სიმართლეს ვერ მიაღწევო" - და ეს სრულად შეეფერება ჩვენს სინამდვილეს. მუშაობის ასე დაწყება არ შეიძლებ - პატარა ტყული შობს დიდ სიცრუეს. ასეთ სიტუაციაში პირადად მე არ შემიძლია წინ წავიდე. ჩემთვის უპირველესად მნიშვნელოვანია ადამიანური თვისებები და შემდეგ პროფესიული", - ამბობს კეხმანი.
შეგახსენებთ, ნოვოსიბირსკის ოპერისა და ბალეტის თეატრმა ნინო ანანიაშვილთან კონტრაქტი შეწყვიტა.
"თეატრის სამხატვრო ხელმძღვანელს ვლადიმერ კეხმანსა და ნინა ანანიაშვილს შორის მოლაპარაკებების შედეგად, მხარეების შეთანხმებით, გადაწყდა ადრე დადებული ხელშეკრულების შეწყვეტა", - ნათქვამია თეატრის მიერ გავრცელებულ განცხადებაში.
ნინო ანანიაშვილმა 7 იანვარს განაცხადა, რომ ის რუსეთში, ნოვოსიბირსკის ოპერისა და ბალეტის თეატრის საბალეტო დასს უხელმძღვანელებდა და დასთან შესახვედრად რუსეთში იანვრის ბოლოს უნდა გამგზავრებულიყო.
ნოვოსიბირსკის ოპერისა და ბალეტის თეატრმა 9 იანვარს განაცხადა, რომ რომ აჩერებს კონტრაქტს ქართველ პრიმა-ბალერინა ნინო ანანიაშვილთან. თეატრმა ნინო ანანიაშვილი დასის უპატივცემულობაში დაანადაშაულა.
"თეატრის ხელმძღვანელობა თვლის, რომ ხელმძღვანელის ვინაობის გასაჯაროება კოლექტივისთვის მის ოფიციალურ წარდგენამდე - დასის უპატივცემულობის უკიდურესი გამოვლინებაა", - განაცხადა თეატრმა.