ჯანდაცვის მინისტრის ეკატერინე ტიკარაძის განმარტებით, 1-ლი თებერვლიდან იგეგმება სავაჭრო ცენტრებისა და მოლების გახსნა.
"ვგეგმავთ, რომ 1-ლი თებერვლისთვის გაიხსნება სავაჭრო ცენტრები და მოლები. ამის შემდეგ უკვე გვექნება საუბრები ბიზნესის დანარჩენ წარმომადგენლებთან, სადაც გადავიტანთ იგივე ფორმატს, რომელიც იქნება წარმატებული სავაჭრო ქსელებში. კონკრეტულად გაიხსნება თუ არა ტრანსპორტი და რომელი შემდგომი სფერო გაიხსნება, ამაზე ვიმსჯელებთ იანვრის ბოლოს, როდესაც გვექნება მეტი სიცხადე თუ რა რეგულაციებს დავაწესებთ კონკრეტულ ბიზნესში და რომელი რეგულაცია იქნება უფრო ეფექტიანი", - განაცხადა მინისტრმა.