ძლიერი წვიმის შედეგად ხულოში, დიდაჭარა-საციხურის საავტომობილო გზის მონაკვეთი ჩავარდა. აჭარის საზოგადოებრივი მაუწყებლის ინფორმაციით, ამ ეტაპზე ადგილობრივები შემოვლითი ღორჯომი-აგარა-საციხურის გზით სარგებლობენ.
ადიდებულმა მდინარემ გზას ნიადაგი გამოაცალა.
ჯერ-ჯერობით შემთხვევის ადგილზე სპეციალისტები არ მისულან.
ხულოს მუნიციპალიტეტში რამდენიმე ლოკაციაზე მეწყერული პროცესები განვითარდა და გაწმენდითი სამუშაოები მიმდინარეობს.
აჭარის მაღალმთიანეთში მეორე დღეა წვიმს.
