ინფექციური პათოლოგიებისა და შიდსის ეროვნული ცენტრის გენერალური დირექტორის, თენგიზ ცერცვაძის თქმით, საქართველოში AstraZeneca-სა და ერთ-ერთი ჩინური ვაქცინის შემოტანა განიხილება. ამის შესახებ ცერცვაძემ ტელეკომპანია "ფორმულასთან" საუბრისას განაცხადა.
მისი თქმით, ჩინური ვაქცინას მსოფლიოში საკმაოდ მაღალი რეიტინგი აქვს და იგი "ხელწამოსაკრავი არ იქნება".
"ლაპარაკია, ორი ვაქცინის შემოტანაზე ჩვენთან - AstraZeneca-სა და ერთერთი ჩინურის. ჩინეთს აქვს 5 ვაქცინა და ერთერთზე არის ლაპარაკი. მინდა გითხრათ, რომ მსოფლიოში ჩინური ვაქცინის რეიტინგი საკმაოდ მაღალი.
ჩინურ ვაქცინას მაღალი ნდობა აქვს. სხვა თუ არაფერი, იქ გაჩნდა ეს ინფექცია და მათ ყველაზე კარგად იციან ამ ვირუსის სტრუქტურა და მისი თავისებურებები და სულ არ გამიკვირდება, რომ ჩინურმა ვაქცინამ ყველას აჯობოს. მათ ამისთვის ბევრი დრო ჰქონდათ, იმასაც ამბობენ, რომ წინასწარ იცოდნენ ამ ვირუსის არსებობა და დიდი ხანია ამ ვაქცინაზე მუშაობენ, ამიტომ ჩინური ვაქცინა ხელწამოსაკრავი არ იქნება", - ამბობს ცერცვაძე.
