კორონავირუსძე საპატრიარქოში ჩატარებული ყველა ტესტის პასუხი ნეგატიურია, - ამის შესახებ ინფორმაციას საპატრიარქოს საზოგადოებასთან ურთიერთობის სამსახური ავრცელებს.
"როგორც საზოგადოებისთვის ცნობილია, დღეს საქართველოს საპატრიარქოში რ. ლუგარის სახელობის საზოგადოებრივი ჯანდაცვის კვლევითი ცენტრის (ლაბორატორია) წარმომადგენლებმა საპატრიარქოს თანამშრომლებს PCR ტესტირება ჩაუტარეს. გვინდა, გაცნობოთ, რომ საპატრიარქოში ჩატარებული ყველა ტესტის პასუხი ნეგატიურია", - აცხადებენ საპატრიარქოში.
მანამდე შემოწმებისას პატრიარქის მდივან-რეფერენტს, შორენა თეთრუაშვილს კორონავირუსი დაუდასტურდა და იგი თვითიზოლაციაში იმყოფება.
საპატრიარქომ ასევე გაავრცელა ინფორმაცია, რომ საქართველოს კათოლიკოს-პატრიარქისთვის ტესტის ჩატარება არ იგეგმებოდა.
