აფეთქების დროს დაშავებული მეხანძრე საავადმყოფოდან გაწერეს. "ჯანმრთელობის ცენტრ "მედინაში" სასწრაფო სამედიცინო დახმარების ბრიგადის მიერ მიყვანილი იქნა აფეთქების დროს დაშავებული ერთ-ერთი მეხანძრე. პაციენტს კლინიკაში გაეწია შესაბამისი სამედიცინო დახმარება, ჩაუტარდა ყველა საჭირო ინსტრუმენტულ ლაბორატორიული კვლევა. აღენიშნებოდა გულ-მკერის ზედაპირული დაზიანება. მისი ჯანმრთელობის მდგომარეობა იყო სტაბილური, არ საჭიროებდა დამატებით ჩარევას, ამიტომ სამედიცინო დაწესებულებიდან გაეწერა რამდენიმე საათში", განმარტავენ "მედინაში".
შეგახსენებთ, რომ ახალსოფელში, ბათუმს შემოერთებულ ტერიტორიაზე, ძლიერი აფეთქება მოხდა. თვითმხილველთა თქმით, ერთ-ერთი ოჯახის ორსართულიანი სახლის მეორე სართულზე, სავარაუდოდ, გაზის გამათბობელი აფეთქდა.
შემთხვევის შედეგად დაშავდა ოთხი ადამიანი. ხანძრის ქრობის დროს ასევე დაშავდა მეხანძრე-მაშველი.