ოკუპირებულ გაგრაში ხანძარი მძვინვარებს. ხანძარი საცხოვრებელ სახლებს უახლოვდება.
ადგილობრივი მედიის ინფორმაციით, ოკუპირებული გაგრის ე.წ. ადგილობრივი ხელისუფლება მზად არის, მოსახლეობის ევაკუაცია დაიწყოს, როგორც კი ამის საჭიროება დადგება.
ხანძარი მძვინვარებს ოკუპირებული აფხაზეთის სხვა რაიონებშიც, გალში, ახალი ათონის მიდამოებში, გუდაუთის რაიონში.
გალის რაიონის ათამდე სოფელში მე-4 დღეა ხანძარია. ტექნიკური რესურსების ნაკლებობა ამ სტიქიასთან გამკლავებას ართულებს. დამწვარია სახლები, თხილნარი, ნათესები, ქარსაცავი ზოლი.