საქართველოს კათოლიკოს-პატრიარქის მდივან-რეფერანტს შორენა თეთრუაშვილს კორონავირუსი დაუდასტურდა. ამის შესახებ ინფორმაციას ტაბულა ავრცელებს. გამოცემას ინფორმაცია საპატრიარქოში დაუდასტურეს.
ტაბულას ინფორმაციით, 4 იანვარს, შორენა თეთრუაშვილი პატრიარქის დაბადების დღეზე, მასთან მცირე დისტანციაზე იმყოფებოდა. შორენა თეთრუაშვილი პატრიარქის სიახლოვეს საპატრიარქოს მიერ გავრცელებულ კადრებში ჩანს, 4:00-წუთიდან.
თეთრუაშვილი პატრიარქის უახლოესი გარემოცვის წევრია და 88 წლის პატრიარქთან სისტემატური შეხება აქვს.
ამასთან, შესაძლოა სწორედ ამ მიზეზით არ გამოქვეყნდა პატრიარქის საშობაო ეპისტოლე, რადგან მისი მომზადება მდივან-რეფერენტის მოვალეობებში შედის.