ვაშინგტონის მერმა საგანგებო მდგომარეობა 15 დღით გაახანგრძლივა.
მურიელ ბოუზერის თქმით, დემონსტრანტებმა, რომლებიც აშშ-ის კონგრესში შეიჭრნენ, შესაძლოა, ძალადობრივი ქმედებები ინაუგურაციის დღესაც გააგრძელონ. ამიტომ საგანგებო მდგომარეობა ინაუგურაციის მერე დღიდან გაუქმდება.
სამართალდამცველებმა კაპიტოლიუმში შეჭრისა და ძალადობის გამო 52-ზე მეტი პირი დააკავეს.
კონგრესში საპროტესტო აქციების მონაწილეების შეჭრისას ჯო ბაიდენის საპრეზიდენტო არჩევნებში გამარჯვების დადასტურება მიმდინარეობდა. მასობრივი არეულობის გამო, კონგრესის ორივე პალატა იძულებული გახდა სხდომა შეეწყვიტა.
გავრცელებული ცნობით, კაპიტოლიუმის შენობიდან ვიცე-პრეზიდენტ მაიკ პენსის, არჩეული ვიცე-პრეზიდენტის კამალა ჰარისის და წარმომადგენელთა პალატის სპიკერის ნენსი პელოსის ევაკუირება მოახდინეს.
გავრცელებული ინფორმაციით, კაპიტოლიუმის შემობაში გასროლაც მოხდა. დაიჭრა საპროტესტო აქციის ერთ-ერთი მონაწილე, რომელიც მოგვიანებით გარდაიცვალა.
მანამდე საპროტესტო აქციის მონაწილეები თეთრ სახლთან იყვნენ თავმოყრილები, სადაც მათ დონალდ ტრამპმა მიმართა და განაცხადა, რომ არ აპირებს ჯო ბაიდენს თეთრი სახლი დაუთმოს. სწორედ ამის შემდეგ, გაემართნენ დემონსტრანტები კაპიტოლიუმისკენ.