ბათუმში COVID-19-ით 22 წლის პაციენტი გარდაიცვალა. ის ბათუმის საერთაშორისო ჰოსპიტალში გადიოდა მკურნალობის კურსს.
როგორც კლინიკაში განმარტავენ, პაციენტის გარდაცვალების მიზეზი დაგვიანებული მიმართვა გახდა.
„12 დეკემბერს შემოიყვანეს პაციენტი ფილტვის 80 პროცენტზე მეტი დაზიანებით. მისი მდგომარეობა იყო უკიდურესად რთული. შემოყვანიდან რამდენიმე დღეში მართვით სუნთქვაზე გადაიყვანეს. მისი სიცოცხლის გადასარჩენად ყველაფერი გაკეთდა. ყოველდღიურად იყო კონსულტაციები თბილისში წამყვან სპეციალისტებთან, თუმცა მისი გადარჩენა ვერ მოხერხდა“, – განაცხადეს ბათუმის საერთაშორისო ჰოსპიტალში.