ინფექციის გავრცელების საკითხზე პენიტენციურ სისტემაში არსებულ მდგომარეობასთან დაკავშირებით არავითარი შეშფოთების საფუძველი არ არსებობს, - აცხადებს იუსტიციის მინისტრი.
გოჩა ლორთქიფანიძის განმარტებით, პენიტენციურმა სისტემამ პატიმრების ინტენსიური პისიარ ტესტირება დაიწყო.
"ვითარება სრულად ექვემდებარება კონტროლს, ყველა კონტროლის მექანიზმი, რაც იყო და ფილტრი, რაც ემსახურება კოვიდვირუსის პრევენციას, მის აღმოჩენას, გამოვლენას, ასევე კონტროლს, ვითარების მართვას, კვლევამ მოქმედებს ეფექტურად, როგორც აქამდე მოქმედებდა. ეს აღინიშნება ბოლო დღეებში გატარებულ ღონისძიებებში. ქვეყანაში შექმნილი ეპიდემიური ვითარებიდან გამომდინარე, პენიტენციურმა სისტემამ დაიწყო პატიმრების ინტენსიური პისიარ ტესტირება, ეს მიმდინარეობს და გრძელდება. ეს ჩვენ დავიწყეთ 31 დეკემბრიდან, გეგმაზომიერად მივყვებით. პირველ რიგში ამას დაექვემდებარა არასრულწლოვანთა პენიტენციური დაწესებულება, სადაც ყველა ტესტი იყო უარყოფითი, შემდეგ გადავედით ქალთა დაწესებულებაზე. 23 შემთხვევაში დადასტურდა კოვიდი, ყველა ესენი იზოლირებული არიან, ასევე მათი კონტაქტები, თანამესაკნეები არიან იზოლირებული. ყველა ასეთ შემთხვევაში ხდება მყისიერი რეაგირება და სისტემა ეფექტურად მუშაობს. არავითარი საფუძველი აჟიოტაჟის და დეზინფორმაციის, არ არის. ჩვენ პასუხისმგებელი ვართ ცხრა ათასამდე ადამიანის წინაშე, მათი ოჯახების წინაშე, არავითარი შეშფოთების საფუძველი არ არსებობს“, – განაცხადა გოჩა ლორთქიფანიძემ.