"პატრიოტთა ალიანსის" ლიდერი ირმა ინაშვილი ფიქრობს, რომ ხელისუფლება "პატრიოტთა ალიანსს" სამაგალითოდ სჯის. ის ამბობს, რომ პარლამენტი დეპუტატების უფლებამოსილების შეწყვეტის შესახებ მსჯელობას "პატრიოტთა ალიანსის" წევრებიდან იწყებს. მისი აზრით, ეს რეპრესიება.
„გასული საუკუნის 20-იან წლებში, ზუსტად ასე მართავდნენ ბოლშევიკები სახელმწიფოს, როდესაც გამოარჩევდნენ მათთვის არასასურველ ადამიანებს და სამაგალითო დასჯის მიზნით, მხოლოდ კონკრეტულ რამდენიმე ადამიანზე ახორციელებდნენ ტერორისტულ ან რეპრესიულ ქმედებას. ამ შემთხვევაში, ჩვენი სამაგალითო დასჯის ილუსტრირებაა, რაც მოხდა დღეს საპროცედურო კომიტეტში“, -აცხადებს ინაშვილი.
"პატრიოტთა ალიანსის" 3 წევრისთვის სადეპუტატო უფლებამოსილების ვადამდე შეწყვეტის საკითხს ხვალ პარლამენტი განიხილავს. თუმცა, პარტიის სიები ცესკოში ჩახსნილი არ არის, ამიტომ, შესაძლოა, ირმა ინაშვილის, გიორგი ლომიასა და გოჩა თევდორაძის ადგილმონაცვლეები პარლამენტში მოხვდნენ. ესენი არიან: გელა მიქაძე, ნანა დევდარიანი და ფრიდონ ინჯია.
