იმ ინვესტორ კომპანიებს, რომლებიც საქართველოში ენერგეტიკის ახალ ობიექტებს აშენებენ, - განაცხადა ეკონომისტმა ანდრია გვიდიანმა გადაცემაში „დღის ქრონიკა“, ჰიდროელექტროსადგურებისა და საქართველოს ენერგოდამოუკიდებლობის შესახებ საუბრისას.
მისი თქმით, საქართველოს ენერგეტიკული თვალსაზრისით, ძალიან დიდი რესურსი აქვს, თუმცა ძალიან ცოტაა ათვისებული.
საბედნიეროდ, დაახლოებით, 15 000 მგვტ-ი დადგმული სიმძლავრე გააჩნია საქართველოს. სამწუხაროდ, ძალიან ცოტაა ათვისებული: დაახლოებით, 20%-მდეა ათვისებული ჩვენი შიდა გენერაცია. მიმაჩნია, რომ ახალი გენერაციის ობიექტების მშენებლობასთან დაკავშირებით, სახელმწიფოს მიდგომა უნდა იყოს უკომპრომისო და, ნებისმიერ შემთხვევაში, სახელმწიფომ უნდა შეუქმნას სასათბურე პირობები იმ ინვესტორ კომპანიებს, რომლებიც საქართველოში ენერგეტიკის ახალ ობიექტებს აშენებენ. ხშირ შემთხვევაში, ცალკეული ჯგუფები არაადეკვატურ მოლოდინებს აჩენენ, არაადეკვატურ მოთხოვნებს აყენებენ ინვესტორების წინაშე. ძალიან საინტერესოა, როგორ და საიდან იმართებიან ის ჯგუფები, რომლებიც პირდაპირ ეწინააღმდეგებიან საქართველოს ენერგოუსაფრთხოებასა და ენერგოდამოუკიდებლობას. ნებისმიერ შემთხვევაში, საქართველოს სჭირდება ახალი ჰიდროპოტენციალის განვითარება და ათვისება“, - განაცხადა ანდრია გვიდიანმა.