"მეტი თავისუფლება - გირჩი" - ზურაბ ჯაფარიძემ ამ სახელწოდებით ახალი პარტია დააფუძნა.
პარტიის თავმჯდომარე ჯაფარიძე იქნება.
ზურაბ ჯაფარიძე ამბობს, რომ ძველისგან განსხვავებით, ახალი გირჩი იქნება "უფრო გახსნილი".
"მე მინდა, რომ ეს ახალი გირჩი იყოს უფრო გახსნილი, მართლა ღია პლატფორმა ახალგაზრდებისთვის. ჩემი თავი, როგორც ცნობადობის მქონე ადამიანის და როგორც გირჩის ბრენდი, ისევე, როგორც გირჩის ტელევიზია, ამ ადამიანებმა გამოიყენონ საკუთარი იდეების წინ წამოსაწევად და სცადონ საკუთარი თავი ქართულ პოლიტიკაში". - თქვა ზურაბ ჯაფარიძემ რუსთავი 2-თან ინტერვიუში.
პოლიტსაბჭოს წევრები იქნებიან - ცოტნე კობერიძე, ნიკა მოსიაშვილი, მანიკა რატიანი, ნინო საჯაია, ანა ჩიქოვანი, ბორის ყურუა, სანდრო თარხან-მოურავი და მირიან ბეჟიტაშვილი.
პოლიტსაბჭოს თავმჯდომარე ცოტნე კობერიძე იქნება.
"ახალ პოლიტიკურ ცენტრ - გირჩს" ზურაბ ჯაფარიძე რამდენიმე კვირის წინ გამოეყო და განაცხადა, რომ მათთან ერთად არ აპირებს "გირჩის კეთებას". ძველ გირჩში დარჩნენ იაგო ხვიჩია და ვახო მეგრელიშვილი.
