პანდემიის მიუხედავად, დღეის მდგომარეობით ბიუჯეტი გადაჭარბებით გვაქვს შესრულებული. განაცხადა რეგიონული განვითარებისა და ინფრასტრუქტურის მინისტრის მოვალეობის შემსრულებელმა, მაია ცქიტიშვილმა იმედის გადაცემა "ღია ეთერში" ინფრასტრუქტურულ პროექტებზე საუბრისას.
მისი თქმით, ინვესტირება ინფრასტრუქტულ პროექტებში არ შეჩერებულა და პირიქით, პანდემიის მიუხედავად, შემდეგი წლის ბიუჯეტი 30%-ით მეტი იქნება.
"ჩვენ ერთობლივად შევძელით იმის უზრუნველყოფა, რომ დღეის მდგომარეობით, არც ერთი პროექტი არ გაჩერებულა მუშების მასობრივი ინფიცირების გამო. ასევე ეს პროექტები არ გაჩერებულა შეფერხებების გამო ან მასალების მიწოდების თვალსაზრისით. ეს არ იყო მარტივი. გარდა ამისა, ჩვენ ვეცადეთ დავხმარებოდით კონტრაქტორ კომპანიებს, როდესაც ვალუტის კურსის ცვალებადობის გამო, მათ შეექმნათ სამუშაოს გაძვირებუს რისკი. აქაც სახელმწიფო მათ გვერდზე დადგა და მასალების გაძვირების შემთხვევაში, თანხების კომპენსირება შევთავაზეთ, რამაც მათ დიდი დისკომფორტი მოუხსნა მათ. შესაბამისად არც ის ტენდერები ჩავრდნილა, რაც წლის განმავლობაში გამოვაცხადეთ. მთლიანობაში მინდა ვთქვა, რომ პანდემიის მიუხედავად, დღეის მდგომარეობით ბიუჯეტი გადაჭარბებით გვაქვს შესრულებული. ეს ნიშნავს იმას, რომ ჩვენი ინვესტირება ინფრასტრუქტულ პროექტებში არ შეჩერებულა და პირიქით, პანდემიის მიუხედავად, შემდეგი წლის ბიუჯეტი 30%-ით მეტი იქნება", - აღნიშნა მაია ცქიტიშვილმა.
