ვანისა და ბაღდათის მიტროპოლიტის, მეუფე ანტონის განცხადებით, კატეგორიული წინააღმდეგი არ არის, თუმცა მოვლენების განვითარებას დაელოდება. ამის შესახებ მიტროპოლიტმა "ღამის კურიერის" ეთერში იუსაბრა.
მისი თქმით, იმისათვის, რომ ეკლესიამ ვაქცინის გაკეთების შესახებ მრევლს რეკომენდაცია მისცეს, საჭიროა, მღვდელმთავრების ინფორმირება და ამ თემაზე მსჯელობა.
"პირადად ჩემი პოზიცია მკვეთრი უარყოფა არ არის. ამას სჭირდება ფართო მსჯელობა და ინფორმირება. მეცნიერება და რელიგია ერთმანეთის გარეშე, ერთი კოჭლია და მეორე ბრმა. რა თქმა უნდა, ჩვენ უნდა გავეცნოთ მეცნიერების და ექიმების შეხედულებებს. მე რომ გითხრათ, რომ ვაქცინას პირველ რიგში გავიკეთებ, არა. დავაკვირდები მოვლენებს, იმ ფაქტებს, გვერდითი მოვლენების ფაქტორებს, მაგრამ მტკიცე უარი არ მაქვს. თუმცა, ვინც გაიკეთებს, იმას არ უარვყოფ - ზიარებაზეც დავუშვებ", - განაცხადა მიტროპოლიტმა.