ექიმების ღირსეული ანაზღაურება მინიმუმ 3000 ლარის ფარგლებში უნდა იყოს. ამის შესახებ ჯანდაცვის მინისტრის მოვალეობის შემსრულებელმა, ეკატერინე ტიკარაძემ "დღის კურიერის" ეთერში, წამყვანის მიერ დასმული შეკითხვის საპასუხოდ თუ როგორი უნდა იყოს სამედიცინო პერსონალის ღირსეული ანაზღაურება.
ტიკარაძის თქმით, ამ ეტაპზე ის დაპირების გაცემისგან თავს შეიკავებს, თუმცა პრინციპულად იმუშავებს იმისთვის, რომ ექიმებს ღირსეული ანაზღაურება ჰქონდეთ.
"გულწრფელად, არა როგორც დანაპირები, ვინაიდან ჩემთვის ეს ტერმინი პასუხისმგებლობას და ვალდებულებას ნიშნავს, რომ ნებისმიერი ნაბიჯი და სიტყვა, რომელსაც მე გავცემ და გავაჟღერებ შესრულებული უნდა იყოს, უნდა იყოს მინიმუმ 3000 ლარის ფარგლებში. მე ვარ დარწმუნებული ერთ რამეში, რომ მე აუცილებლად ვიმუშავებ ძალიან მტკიცედ, როგორც დღეს ბატონმა კომიტეტის თავმჯდომარემ აღნიშნა- ჯიუტად და პრინციპულად იმისათვის, რომ ჩვენს ექიმებს ჰქონდეთ ეს ღირსეული ანაზღაურება," - განაცხადა ეკატერინე ტიკარაძემ.
