24 დეკემბრიდან ბაზრობები არ გაიხსნება, - ამის შესახებ რეგიონული განვითარებისა და ინფრასტრუქტურის მინისტრობის კანდიდატმა, მაია ცქიტიშვილმა საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა.
"შეზღუდვების შემსუბუქების ფარგლებში დაგეგმილი გვქონდა ბაზრობების საქმიანობის განახლება, მაგრამ ვხედავთ რა რომ იქ სამწუხაროდ ვერ იქნება დაცული და უზრუნველყოფილი ყველა ის წესი, რომელიც არის აუცილებელი იქ ეპიდემიოლოგიური სტანდარტების დაცვისთვის. ბაზრობების ფუნქციონირება ვერ იქნება დაშვებული და მათ შორის ეს აკრძალვა ვრცელდება როგორც ღია სივრცეში ბაზრობაზე, ასევე ყველა იმ მაღაზიის საქმიანობაზე, რომლებიც ფუნქციონირებს ბაზრობების ტერიტორიაზე. მათ კვლავ ექნებათ საშუალება დისტანციური რეჟიმის ვაჭრობისა", - განაცხადა მაია ცქიტიშვილმა.
