პარლამენტის ვიცე-სპიკერის დავით სერგეენკოს განცხადებით, პარლამენტში ოპოზიციის არყოფნა მისთვის დისკომფორტის მომტანია, რადგან "ეს არ არის ნორმალური".
სერგეენკო იმედოვნებს, რომ ოპოზიციის ნაწილი პარლამენტში შევა.
"იმედი მაქვს, თუმცა სულ უფრო და უფრო ნაკლები, რომ ოპოზიციის ნაწილი პარლამენტში შემოვა. რაც შეეხება მთავრობის დამტკიცებას, რვაჯერ გავიარე ეს პროცედურა და საკმაოდ ინტენსიური დისკუსია იყო. ჩემი მხრივ, შემიძლია, პირობა მოგცეთ, რომ ეს არ იქნება დითირამბების მიმძღვნელი შეხვედრა, არამედ იქნება კრიტიკული, მწვავე კითხვები და დისკუსიებიც", - განაცხადა დავით სერგეენკომ.
შეგახსენებთ, ოპოზიციური პარტიები, რომლებმაც ცენტრალური საარჩევნო კომიციის ინფორმაციით, საარჩევნო ბარიერი გადალახეს, 2020 წლის 31 ოქტომბრის საპარლამენტო არჩევნებს გაყალბებულად მიიჩნევენ და უარს ამბობენ სადეპუტატო მანდეტებზე.
