სემეკის წევრი და ERRA-ს თავმჯდომარე, მაია მელიქიძე გაეროს აზიისა და წყნარი ოკეანის ეკონომიკისა და სოციალური კომისიის (UNESCAP) ორგანიზებით გამართულ მაღალი დონის შეხვედრაზე სიტყვით წარდგა. მაია მელიქიძემ ხაზი გაუსვა მდგრადი განვითარების მნიშვნელობას საქართველოს ენერგეტიკული სექტორისთვის და ისაუბრა ამ კუთხით უკვე მიღწეულ შედეგებზე.
შეხვედრის ფარგლებში წარმოდგენილ იქნა საქართველოს საგზაო რუკა მდგრადი განვითარების მიზნების (SDG7) მისაღწევად. მაია მელიქიძემ სემეკის სახელით გამოხატა მზადყოფნა, შესაბამის უწყებებთან თუ ორგანიზაციებთან საგზაო რუკის განხორციელების ნებისმიერ ეტაპზე მჭიდრო თანამშრომლობასთან დაკავშირებით.
