ვფიქრობთ, ეს რაც ხდება დღეს, ამდენი მსხვერპლი, ეს სასჯელია, არაფერი ხდება ღვთის გარეშე, შევთხოვთ უფალს, რომ უფალმა დალოცოს თვისი ერი. ამის შესახებ საქართველოს კათოლიკოს-პატრიარქმა, ილია მეორემ სიონის საკათედრო ტაძარში, სადაც ბარბარობის დღესასწაულთან დაკავშირებით პარაკლისი აღავლინა.
"წმინდა ბარბარე არის მაგალითი მტკიცე სარწმუნოებისა, ერთგულებისა, ქრისტიანული რწმენისა. პრობლემები მუდამ ყოფილა და იქნება მშობლებსა და შვილებს შორის, აი დღეს ჩვენ შევთხოვთ უფალს, რომ გახსნას გული და გონება ჩვენი ახალგაზრდების, ჩვენი ხალხისა. ვფიქრობთ, ეს რაც ხდება დღეს, ამდენი მსხვერპლი, ეს სასჯელია, არაფერი ხდება ღვთის გარეშე, შევთხოვთ უფალს, რომ უფალმა დალოცოს თვისი ერი.
ითხოვდეთ და მოგეცეს, ეძიებდით და ჰპოვოთ, აი, დღეს ჩვენ ვითხოვთ მშვიდობას, სიხარულს, ქრისტიანული რწმენის გამტკიცებას, სიმშვიდეს გულში, გონებაში და სულში და დარწმუნებულები ვართ ჩვენ, რომ ღმერთი შეისმენს ჩვენს ლოცვას.
ჩვენ გადავწყვიტეთ, რომ ჩვენმა ბავშვებმა, ახალგაზრდებმა დაწერონ ლოცვები, თხოვნები. არ შეიძლება, რომ ღმერთმა არ შეისმინოს ჩვენი შვილების ლოცვები, რომ დაწერთ ამ ლოცვებს, თხოვნებს, წერილებს გამომიგზავნეთ მე. მე მაქვს გადაწყვეტილი, როდესაც შეგროვდება საკმარისი, გამოვცეთ წიგნად,"- აღნიშნა პატრიარქმა.
