ბათუმში, ლეონიძის ქუჩაზე ცეცხლი გაუჩნდა სატვირთო ავტომობილს, რომელშიც მოქალაქეებს ციტრუსი ჰქონდათ შენახული, აღნიშნულის შესახებ ინფორმაციას აჭარის საზოგადოებრივი მაუწყებელი ავრცელებს.
მიმდებარე ტერიტორიაზე ძლიერი დაკვამლიანება იყო.
შემთხვევის ადგილზე, სახანძრო სამაშველო სამსახურის რამდენიმე ბრიგადა იმყოფება. მაშველებმა პროდუქტის გამოტანა მოახერხეს.
თვითმხილველების თქმით, სატვირთო ავტომობილი უკვე წლებია აღნიშნულ ტერიტორიაზეა გაჩერებული, ის მუშა მდგომარეობაში არ იყო და საწყობად იყენებდნენ.
