მე-10 მოწვევის პარლამენტი წევრი "ქართული ოცნებიდან" ელისო ბოლქვაძე აცხადებს, რომ თუ საპარლამენტო არჩევნები გაყალბდა, ოპოზიციამ ამის შესახებ საპარლამენტო ტრიბუნიდან უნდა ისაუბროს.
ელისო ბოლქვაძე იმედოვნებს, რომ ოპოზიცია, მათი ნაწილი პარლამენტს აუცილებლად შემოუერთდება.
"ეს არ არის მხოლოდ "ქართული ოცნების" და ერთი-ორი ადამიანის თემა, ეს არის სამშობლოს თემა, რომელიც წინ უნდა წავიდეს, ევროპისკენ მიილტვის, უნდა მშვიდობა. მათი აღშფოთება მესმის, რადგან მათ ასე ესმით, მაგრამ ეს რამდენად არის სიმართლე, გასარკვევი თემაა. არ შეიძლება, მხოლოდ ლოზუნგებით გამოვიდნენ და ილაპარაკონ-გაყალბდა, გაყალბდაო. რას ნიშნავს გაყალბდა, დამიმტკიცე, რომ გაყალბდა. მომხრე ვარ, კომისიის შექმნის, ეს თემები უნდა გაირკვეს. ეს ყველაფერი შეიძლება გადაწყდეს აქ, მაღალი ტრიბუნიდან და უფრო ბედნიერები იქნებიან. გარეთ ბრძოლა, რა უბედურებაა? მათი ადგილები ცარიელი იყო, ველოდებით, რომ შემოვლენ", - თქვა ბოლქვაძემ.
