ეს არის საქართველოს ისტორიაში ყველაზე მრავალპარტიული პარლამენტი. ასე აფასებს "ქართული ოცნების" წევრი თამარ ტალიაშვილი მე-10 მოწვევის პარლამენტს, რომელიც ისტორიაში პირველად ერთპარტიულად შეიკრიბა.
"ეს არა თუ ერთპარტიული პარლამენტია, არამედ ეს არის საქართველოს ისტორიაში ყველაზე მრავალპარტიული და პლურალისტული პარლამენტი. რაც შეეხება ოპოზიციას, ჩვენ საქმე გვაქვს ხელოვნურად შექმნილ ე.წ. პოლიტიკურ კრიზისთან, ის ეფუძნება სიყალბეს და აქედან გამომდინარე, მას პერსპექტივა არ აქვს. მთელმა საზოგადოებამ დაინახა, მთელმა ჩვენმა პარტნიორმა სახელმწიფოებმა, ევროპამ, დასავლეთმა, აღიარა, რომ საპარლამენტო არჩევნები ჩატარდა დემოკრატიულ, კონკურენტუნარიან გარემოში. მე კიდევ ერთხელ მოვუწოდებ ოპოზიციას, მიიღოს პასუხისმგებლიანი გადაწყვეტილება და მაშინ, როდესაც ყველაზე მეტად სჭირდება ჩვენს საზოგადოებას, დადგეს იქ, სადაც უნდა იდგეს", - განაცხადა ტალიაშვილმა.
შეგახსენებთ, დღეს მე-10 მოწვევის პარლამენტი შეიკრიბა, რომელსაც მხოლოდ "ქართული ოცნების" წევრები ესწრებოდნენ.
