ევროპული საქართველოს წევრი, აკაკი ბობოხიძე, ირაკლი კობახიძის განცხადებას ეხმაურება, რომელიც მან სოციალურ ქსელში გამოაქვეყნა.
ბობოხიძის თქმით, მან აღმოაჩინა, რომ ირაკლი კობახიძემ არითმეტიკა და 100-ის ფარგლებში მიმატება-გამოკლება იცის. ბობოხიძემ აღნიშნა, რომ კარგი იქნებოდა კობახიძეს ეს ცოდნა გამოემჟღავნებინა მაშინ, როდესაც ხედავდა ცენტრალური საარჩევნო კომისიის შედეგებს, როდესაც ქართული ოცნების მაჟორიტარობის კანდიდატებს 100, 146 და 170 პროცენტი ჰქონდათ დაწერილი.
ბობოხიძემ აღნიშნა, რომ სწორედ ქართული ოცნების პასუხისმგებლობაა, რომ ყველა პოლიტიკურ პარტიას თავისი სუბიექტური დამოკიდებულება აქვს და არავის აქვს ნდობა არჩევნების მიმართ.
„სამწუხაროდ, კიდევ უფრო სასაცილო მდგომარეობაში ჩაიყენა თავი, აღმოვაჩინე, რომ ბატონ ირაკლის თურმე არითმეტიკა სცოდნია და 100-ის ფარგლებში მიმატება და გამოკლება. კარგი იქნებოდა, ეს ცოდნა გამოემჟღავნებინა, როცა ხედავდა ცენტრალური საარჩევნო კომისიის შედეგებს, როცა 105%, 146% და 170% ჰქონდა ქართული ოცნების კანდიდატებს.
რაც ყველაზე მთავარია, სწორედ ეს არის ირაკლი კობახიძის და ქართული ოცნების პასუხისმგბელობა, რომ მათ არჩევნები ჩაატარეს ისე, რომ აბსოლიტურად ყველა მონაწილე სუბიექტს აქვს თავისი სუბიექტური დამოკიდებულება და არავის არ აქვს სანდოობა ამ არჩევნები მიმართ.
სწორედ ეს არის ქართული ოცნების პოლიტიკური პასუხისმგებლობა, არჩევნები ჩატარდა ისე, რომ არცერთი სუბიექტის ნდობას არ იმსახურებს.“ - განაცხადა ბობოხიძემ.
