აჭარის მთავრობის და წითელი ჯვრის თანამშრომლობით აჭარაში ჰუმანიტარული ამანათების გადაცემის პროცესი გრძელდება.
აჭარის მთავრობის თავმჯდომარემ, თორნიკე რიჟვაძემ და აჭარის ჯანდაცვის მინისტრმა, ნინო ნიჟარაძემ, საქართველოს წითელი ჯვრის საზოგადოების პრეზიდენტთან, ნათია ლოლაძესთან შეხვდა გამართა.
აჭარაში მცხოვრები მოწყვლადი ოჯახები აჭარის მთავრობის და წითელი ჯვრის ჩართულობით, ჰუმანიტარულ დახმარებას კვლავ მიიღებენ.
წითელი ჯვარი აქტიურად თანამშრომლობს აჭარის მთავრობასთან. ორგანიზაციის მხრიდან აჭარაში განხორციელდა მოხალისეთა გადამზადება. ახალგაზრდა მოხალისეები ჯანდაცვის სამინისტროს რეკომენდაციების სრული დაცვით სასურსათო კალათების, ჰიგიენური საშუალებების გადაცემას ახორციელებენ აჭარის ექვსივე მუნიციპალიტეტში მცხოვრები სოციალურად დაუცველი ოჯახებისთვის.
აჭარის მთავრობის და წითელი ჯვრის ურთიერთთანამშრომლობით, იგეგმება ონლაინ კლინიკების ექიმების გადამზადება. პანდემიის დაწყებიდან სასურსათო კალათებითა და მედიკამენტებით დახმარება 30 ათასზე მეტ ოჯახს გაეწია.
