"გირჩის" ლიდერის ზურაბ ჯაფარიძის თქმით, მას პარტია არ დაუტოვებია. ამის შესახებ ჯაფარიძემ ჟურნალისტებს განუცხადა.
ჯაფარიძის თქმით, მისი და იაგო ხვიჩიას, ვახტანგ მეგრელიშვილისა და სანდრო რაქვიაშვილის გზები გაიყო.
"მე გირჩი არ დამიტოვებია. რა პოზიციაც იყო წარდგენილი ოპოზიციის მიერ, მაგ პოზიციაზე "გირჩში" ერთიანობა არის. რაც დავწერე სტატუსში, ეგ არის რისი თქმაც შემიძლია. ჩემი და ამ ადამიანების გზები გაიყო, დანარჩენს მომავალი გვიჩვენებს. არ ვაპირებ გარეთ გამოტანას არაფრის. პარლამენტში შესვლა-არ შესვლა საერთოდ საკითხი არ არის. პარტია არ დამიტოვებია. პარტია არა ვარ მე და არ არიან არც ის ადამიანები. ვინ იქნება "გირჩი", მაგას გადაწყვეტენ "გირჩის" ამომრჩევლები. ვრჩები "გირჩის" ლიდერად. ჩვენი გზები გაიყო ნიშნავს, რომ მე მაგ ადამიანებთან ერთად არ ვაპირებ "გირჩის" კეთებას, ამ საქმის კეთებას. მე მქონდა პირობები, რა პირობებშიც ვთავაზობდი, რომ ჩვენ გაგვეგრძელებინა საქმის კეთება, რაზეც მითხრეს, რომ ეს პირობები იყო მიუღებელი და ამის შემდეგ დავათმავრე ამ ადამიანებთან ურთიერთობა", - განაცხადა ჯაფარიძემ.
