ნატო-ს წევრი ქვეყნების საგარეო საქმეთა მინისტრები საქართველოსა და უკრაინის საგარეო უწყებების ხელმძღვანელებთან ერთად შავი ზღვის რეგიონში ალიანსის წარმომადგენლობის შესახებ ოთხშაბათს ვიდეოკონფერენციაზე იმსჯელებენ.
"შავი ზღვის რეგიონი ნატო-სა და ყველა მისი წევრისთვის სტრატეგიული მნიშვნელობისაა. ჩვენ ასევე მჭიდროდ ვთანამშრომლობთ ამ რეგიონში ჩვენს ორივე პარტნიორთან - საქართველოსა და უკრაინასთან", - განაცხადა ნატო-ს გენერალურმა მდივანმა იენს სტოლტენბერგმა ბრიუსელში, პრესკონფერენციაზე.
სტოლტენბერგმა აღნიშნა, რომ ნატო-მ უნდა გააძლიეიროს შავი ზღვის რეგიონში თავისი წარმომადგენლობა.
გენერალურმა მდივანმა ასევე ყურადღება გაამახვილა საქართველოს ტერიტორიების ოკუპაციასა და ანექსირებულ ყირიმში რუსეთის სამხედრო წარმომადგენლობის გაფართოვებაზე.
"ჩვენ უკრაინასა და საქართველოსთან მჭიდროდ ვთანამშრომლობთ შავი ზღვის რეგიონში, რადგან ვნახეთ, რომ რუსეთმა შელახა ამ ორი ქვეყნის ტერიტორიული მთლიანობა და სუვერენიტეტი. რუსეთმა მოახდინა ყირიმის არალეგალური ანექსია და რუსეთის ჯარი წარმოდგენილია იმ ტერიტორიებზე, რომლებიც საერთაშორისოდ არის აღიარებული საქართველოს ნაწილად. ვხედავთ, რომ რუსეთი აგრძელებს სამხედრო წარმომადგენლობის გაფართოვებას, სულ მცირე ყირიმში მაინც. ამიტომ ნატო-მ უნდა გააძლიეროს თავისი წარმომადგენლობა რეგიონში. ამ საკითხზე გვექნება საუბარი საქართველოსა და უკრაინის საგარეო საქმეთა მინისტრებთან ოთხშაბათს", - განცხადა ალიანსის გენერლაურმა მდივანმა.
