პარტიას რესურსი სჭირდება, ამიტომ საბიუჯეტო დაფინანსების აღება მოსულა ბოიკოტის რეჟიმში - არის ნონსენსი. პარტია "გირჩის" ლიდერი ზურაბ ჯაფარიძე ოპოზიციური პარტიების მიერ დაფინანსების მოთხოვნის საკითხს ეხმიანება.
"პარტიას რესურსი სჭირდება, ამიტომ საბიუჯეტო დაფინანსების აღება მოსულა ბოიკოტის რეჟიმში - არის ნონსენსი
მაშინ დავაკონკრეტოთ რას ვგულისხმობთ ბოიკოტში - პარლამენტარის ხელფასი რესურსი არ არის? პარლამენტარის თანაშემწის ხელფასი რესურსი არ არის? საპარლამენტო დელეგაციებში ადგილები, მივლინებები და საერთაშორისო კონტაქტების გაჩენა/გამყარება?
სადეპუტატო იმუნიტეტი? პარლამენტარების ოთახები? მაშინ ვთქვათ რომ ბოიკოტი გულისხმობს მხოლოდ და მხოლოდ კანონშემოქმედებით საქმიანობაში მონაწილოებაზე უარის თქმას. ანუ, საკომიტეტო სხდომებსა და სესიებზე არ დასწრებას
ხოლო ყველაფერი დანარჩენი მოსულა, რადგან ‘პარტიას რესურსები სჭირდება, ბიძინაა დასამარცხებელი’
პ. ს. ეს ისე, სიცხადისთვის. გირჩი მაინც არ იზამს არცერთს თუ ბოიკოტი ძალაში დარჩა", - წერს ზურაბ ჯაფარიძე.
შეგახსენებთ, საბიუჯეტო დაფინანსების მიღების მიზნით, პოლიტიკურმა პარტიებმა ცენტრალურ საარჩევნო კომისიას მიმართეს, მათ შორის არიან ის პარტიებიც, რომლებიც პარლამენტში შესვლაზე უარს აცხადებენ და ბოიკოტის რეჟიმში არიან.
ცესკოს განცხადებით, არჩევნებში მონაწილე ოპოზიციური პარტიებიდან, რომლებმაც 1%-იანი ბარიერი გადალახეს, საბიუჯეტო დაფინანსებაზე თანხმობა მხოლოდ 10-მა განაცხადა.
