დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილის, პაატა იმნაძის განცხადებით, კიდევ უფრო გამკაცრდება გადაადგილება და მაქსიმალურად შეიზღუდება ადამიანების ურთიერთკავშირები. ამის შესახებ იმნაძემ ტელეკომპანია "ფორმულას" ეთერში განაცხადა.
მისი თქმით, ხვალ, 26 ნოემბერს მთავრობა შეზღუდვებთან ერთად მომავალი ორი თვის გეგმას გამოაცხადებს.
"ეს იქნება არა მხოლოდ შეზღუდვები არამედ გეგმა, მომავალი ორი თვე როგორ უნდა იცხოვროს ქვეყანამ. [...] ხვალ გამოცხადდება ის ღონისძიებები, რომლითაც კიდევ უფრო გამკაცრდება გადაადგილება და მაქსიმალურად შეიზღუდება ადამიანების ურთიერთკავშირები", - ამბობს პაატა იმნაძე.