"ქართულ ოცნებას" არ უწერია ამ ქვეყანაში ხელისუფლების შენარჩუნება არანაირ კონფიგურაციაში. განაცხადა "ნაციონალური მოძრაობის" ერთ-ერთმა ლიდერმა, სალომე სამადაშვილმა "რუსთავი 2"-ის ეთერში.
სამადაშვილის თქმით, დღეს შეთანხმების მიღწევა უფრო დიდ ინტერესშია "ქართული ოცნებისთვის", ვიდრე ოპოზიციისთვის.
"ქართულ ოცნებას" არ უწერია ამ ქვეყანაში ხელისუფლების შენარჩუნება არანაირ კონფიგურაციაში, უბრალოდ შეთანხმების დღეს, პირდაპირ რომ გითხრათ, უფრო დიდ ინტერესშია "ქართული ოცნებისთვის", ვიდრე ოპოზიციისთვის. იმიტომ რომ "ქართული ოცნება" ამ შემთხვევაში კარგავს უბრალოდ ყველაფერს, კარგავს შანსს, რომ ხელისუფლებიდან წასვლის შემდეგ, რამე დარჩეს საერთოდ ამ პოლიტიკური პროექტიდან, პარტიაა თუ არ ვიცი ეს რა სახით იქნება.
შეთანხმების მიუღწევლობა ნიშნავს ქვეყნის წაყვანას ერთპარტიული, კვაზი დიქტატურის გზით. კვაზი დიქტატურას იმიტომ ვიძახი, რომ დიქტატურას ჩვენს ქვეყანაში არავინ არ დაუშვებს საბოლოო ჯამში", - თქვა სალომე სამადაშვილმა.