ჩინეთის პრეზიდენტმა სი ძინპინმა ჯო ბაიდენს საპრეზიდენტო არჩევნებში გამარჯვება მიულოცა.
"ჩინეთსა და აშშ-ს შორის ჯანსაღი და სტაბილური ურთიერთობების განვითარების ხელშეწყობა არამარტო ორივე ერის ფუნდამენტურ ინტერესებში შედის, არამედ საერთაშორისო საზოგადოების საერთო მოლოდინს აკმაყოფილებს", - აღნიშნულია ძინპინის მისალოც წერილში.
სი ძინპინის განცხადებით, ჩინეთი იმედოვნებს, რომ ორივე ქვეყანა მხარს დაუჭერს ურთიერთობების იმგვარ განვითარებას, რომელიც განმსჭვალული იქნება ურთიერთპატივისცემითა და ორივე მხარის ინტერესების გათვალისწინების სულისკვეთებით.
მანამდე, ჩინეთის სახელით, ჯო ბაიდენსა და კამალა ჰარისს საპრეზიდენტო არჩევნებში გამარჯვება მიულოცა ჩინეთის საგარეო საქმეთა სამინისტროს პრესსპიკერმა.
