ჩინეთმა დაარღვია მრავალდღიანი დუმილი და შეერთებული შტატების არჩეულ პრეზიდენტს, ჯო ბაიდენს საპრეზიდენტო არჩევნებში გამარჯვება მიულოცა.
"ჩვენ პატივს ვცემთ ამერიკელი ხალხის არჩევანს. ვულოცავთ ბატონ ბაიდენსა და ქალბატონ ჰარისს", - თქვა ჩინეთის საგარეო საქმეთა სამინისტროს სპიკერმა, დღეს გამართულ პრესკონფერენციაზე.
ჯო ბაიდენისთვის საპრეზიდენტო არჩევნებში გამარჯვება ამ დრომდე არ მიულოცავთ რუსეთის, ბრაზილიისა და მექსიკის პრეზიდენტებს.
მათი თქმით, ისინი შედეგების ოფიციალურ გამოცხადებას დაელოდებიან.
მოქმედი პრეზიდენტი ტრამპი ჯერ კიდევ არ აღიარებს მისი დემოკრატი მეტოქის ჯო ბაიდენის გამარჯვებას.
მიუხედავად იმისა, რომ ჯო ბაიდენი გამოცხადდა საპრეზიდენტო არჩევნებში გამარჯვებულად ხმების დათვლა კვლავ მიმდინარეობს.
