თურქული მედიის ინფორმაციით, დეკემბერში თურქეთი 10 მლნ დოზა ჩინური წარმოების ვაქცინას მიიღებს.
გავრცელებული ცნობით, ჩინური კომპანია Sinovac-ის მიერ წარმოებული COVID-19-ის ვაქცინის - CoronaVac - ღირებულება 29,75 დოლარი (227 ლირა) იქნება.
როგორც იუწყებიან, იმისათვის, რომ ვაქცინას ეფექტი ჰქონდეს, ადამიანმა მისი ორი დოზა 28 დღიანი ინტერვალით უნდა გაიკეთოს. მთლიანობაში ვაქცინაციის კურსი 60 დოლარი დაჯდება.
რაც შეეხება ამერიკულ-გერმანული წარმოების, კომპანია Pfizer/BioNTech-ის მიერ წარმოებული ვაქცინის ფასი 31 ევრო (280 ლირა) იქნება. სრული კურსი ამ შემთხვევაშიც 2 დოზის გაკეთებას ითვალისწინებს, ანუ საერთო ჯამში მისი ფასი 62 ევრო იქნება.
საწყის ეტაპზე ცნობილია, რომ თურქეთი Pfizer/BioNTech-ის წარმოების ვაქცინას 1 მლნ დოზით მიიღებს.
