ივანიშვილის მისია ამ ეტაპისთვის შესრულებულია - დასავლური განვითარების ვექტორიდან დიდი ნაბიჯი უკან. წერს "ნაციონალური მოძრაობის" ერთ-ერთი ლიდერი სალომე სამადაშვილი სოციალურ ქსელში.
"30 წელია სადღაც მივხოხავთ-სამოქალაქო ომი, მშვიდობიანი რევოლუცია, არჩევნების გზით ხელისუფლების შეცვლა, ყველაფერი გავიარეთ. დღეს დაგვაბრუნეს იქ, საიდანაც დავიწყეთ-1990 წელს, ბოიკოტირებულ ერთპარტიულ არჩევნებში. სრული წრე შემოვხაზეთ. ნულოვან ათვლის სათავეს დავუბრუნდით. ივანიშვილის მისია ამ ეტაპისთვის შესრულებულია-დასავლური განვითარების ვექტორიდან დიდი ნაბიჯი უკან", - წერს სალომე სამადაშვილი.
შეგახსენებთ, დღეს, მაჟორიტარულ ოლქებში არჩევნების მეორე ტური მიმდინარეობს. ოპოზიცია მეორე ტურში არ მონაწილეობს.