ბათუმის რეფერალურ ჰოსპიტალში COVID-19-ით ინფიცირებული 100 წლის კაცი გარდაიცვალა.
პაციენტი ბათუმის რეფერალურ საავადმყოფოში 5 ნოემბერს შეიყვანეს.
აჭარის ჯანდაცვის სამინისტროს ინფორმაციით, პაციენტს სუნთქვის მწვავე უკმარისობის და მწვავე პნევმონიის გარდა, მენჯ-ბარძყის მოტეხილობა ჰქონდა.
ბათუმის რესპუბლიკურ საავადმყოფოში კორონავირუსით გარდაიცვალა 32 წლის ქალი. სამინისტროს განცხადებით, პაციენტის მდგომარეობა კლინიკაში შეყვანისას იყო მძიმე, აღენიშნებოდა სუნთქვის მწვავე უკმარისობა და ფილტვის მწვავე პნევმონია.
ბოლო 24 საათში აჭარაში COVID-19-ით 10 ადამიანი გარდაიცვალა.
