მიხეილ სააკაშვილი მარსზე გაფრინდება - ასე პასუხობს "ქართული ოცნების" აღმასრულებელი მდივანი ირაკლი კობახიძე საქართველოს მესამე პრეზიდენტის მიხეილ სააკაშვილის განცხადებასი, სამშობლოში დაბრუნების მზაობის შესახებ.
კობახიძე დასძენს, რომ სააკაშვილი ყველაფერზე წამსვლელია, თუმცა ხელისუფლება შესაბამისად იმოქმედებს.
"მიხეილ სააკაშვილი ყველაფერზე, რომ არის წამსვლელი, ეს მან დაამტკიცა, როდესაც ცხრა წელი იყო მმართველობაში და ამტკიცებს დღემდე, როდესაც არის ოპოზიციაში და ოპოზიციის ლიდერი. რა თქმა უნდა, ის არის ყველაფერზე წამსვლელი, მაგრამ ხელისუფლება აქ არის იმისთვის, რომ ასეთი ადამიანები ყველაფერზე ვერ წავიდნენ. შესაბამისად, მას ამისთვის ვერავითარი რესურსი ვერ ექნება," - განაცხადა კობახიძემ.
შეგახსენებთ, მიხეილ სააკაშვილმა ვიდეომიმართვაშ განაცხადა, რომ თუ ოპოზიციის ლიდერები საჭიროდ ჩათვლიან, ის მზად არის ნებისმიერ დროს დაბრუნდეს საქართველოში.