ექიმი ვაჟა გაფრინდაშვილი ცენტრალურ საარჩევნო კომისიასთან მიმდინარე საპროტესტო აქციაზე მივიდა.
როგორც ვაჟა გაფრინდაშვილ აცხადებს, აქციაზე მისვლა მას შემდეგ გადაწყვიტა, რაც სპეცრაზმმა მომიტინგეების წინააღმდეგ წყლის ჭავლის გამოყენება დაიწყო.
"მე ვიცავ ჩემი შვილების მომავალს, რომ მათ იცხოვრონ თანამედროვე დემოკრატიულ საქართველოში და მიეცეთ საშუალება გამოავლინონ თავიანთი შესაძლებლობების მაქსიმუმი. ჩემმა თაობამ ძალიან ბევრი შეცდომა დაუშვა თავის დროზე და არ მინდა, ჩემი თაობის შეცდომების გამოსწორება ჩემს შვილებს დასჭირდეს", - თქვა ვაჟა გაფრინდაშვილმა "ფორმულასთან" საუბრისას.
ფოტო: ფორმულა
