ოპოზიციას აქვს თითქმის 20 საათი იმისათვის, რომ გააპროტესტონ, რაც უნდათ. განაცხადა "ქართული ოცნების" აღმასრულებელმა მდივანმა ირაკლი კობახიძემ პარტიის ოფისში გამართულ ბრიფინგზე.
მისი თქმით, ოპოზიციას პროტესტის შენარჩუნების რესურსი არ გააჩნია და რეალურად, მიზეზებს სხვაგან ეძებენ.
"მათ დღე-ღამის განმავლობაში აქვთ, თითქმის 20 საათი იმისათვის, რომ გააპროტესტონ, რაც უნდათ, რომ გააპროტესტონ. მათ არ აქვთ რეალურად პროტესტის შენარჩუნების რესურსი და სხვა რაღაცებში მიზეზებს ნუ ეძებენ - ეს არის ჩემი მოწოდება," - აცხადებს ირაკლი კობახიძე.
ოპოზიციური პარტიები, მათ მხარდამჭერები და სამოქალაქო აქტივისტები არჩევნების შედეგებს დღეს, 15:00 საათზე რუსთაველის გამზირზე გააპროტესტებენ.
შეგახსენებთ, ყველა ოპოზიციურმა პარტიამ არჩევნების შედეგებს ბოიკოტი გამოუცხადა და საპარლამენტო მანდატებზე უარი თქვა.
