საქართველოს პრეზიდენტი, სალომე ზურაბიშვილი, ამერიკის ახლადარჩეულ პრეზიდენტს, ჯო ბაიდენს, არჩევნებში გამარჯვებას ულოცავს. ამის შესახებ ზურაბიშვილი მიკრობლოგ "ტვიტერზე" წერს.
"ვულოცავ ჯო ბაიდენს! საქართველოს, კავკასიის რეგიონსა და მსოფლიოს სჭირდება თავისუფალი, ძლიერი და დემოკრატიული ამერიკა. მოუთმენლად ველით თქვენთან თანამშრომლობასა და ჩვენ ორ ერს შორის კავშირის გამყარებასა და გაღრმავებას", - წერს ზურაბიშვილი.
სალომე ზურაბიშვილი პერსონალურად ულოცავს გამარჯვებას კამალა ჰარისს, როგორც ამერიკის შეერთებული შტატების პირველ ქალ ვიცე-პრეზიდენტს.
